熱血球迷搵位撐愛隊
昨日大戰雖為閉門上演，但兩軍球迷均專程到場，以「唱山歌」形式力撐愛隊，其中「藍鳥」球迷更將球場外一處小山坡命名為「甘巴爾看台」！
場內鬥得火熱，場外雙方「第12人」亦分庭抗禮，傑志有近60名球迷繞過球場，爬上一處小山坡「睇波」，東方亦有近10名球迷走到球場背後的緩跑徑觀賞球賽。東方球迷葉先生就對愛隊擊敗死敵兼出線感高興，特別是現時疫情嚴峻，能與愛隊有一面之緣已心滿意足。
「甘巴爾看台」特別好Feel
傑志忠粉張先生則指，對今場比賽形勢感到十分緊張，雖然愛隊以兩球落敗，但優勝劣敗，對敗局絕對理解。他又表示在這特殊情況下「睇波」感覺特別：「冇諗過咁多球迷嚟睇，好似平時旺角場咁大家傾吓計、唱吓歌，雖然最後輸咗，但都好開心。」他特別提到之所以在這小山坡觀賽，是受前傑志主帥甘巴爾所啟發：「甘巴爾2010至11球季，對南華嗰場聯賽因為被罰停賽，都試過喺呢度睇波，我哋將佢改名做『甘巴爾看台』！」雙方熱血球迷均坦言，珍惜與球隊共聚的機會，希望疫情盡快好轉，共同走過低谷。
圖／文：黃雋謙