冠忠南區硬砌和富大埔

和富大埔上仗「菁英盃」對愉園一度落後1比4，去到完場前10分鐘連入3球追至4比4完場，非但走出4連敗頹勢，更令「快活谷」出線希望幻滅，該仗首次踢足全場的方俊業表示，仍需要時間適應右閘的新位置︰「自己之前主要踢翼鋒，所以上場都比較多失誤，同埋要喺體能上都要再加強啲，表現可以話算係唔太好，因為冇乜突出。教練有叫我放膽啲踢，叫我做番平時做到嘅嘢出嚟，防守上多啲提點我唔好出腳，同埋『阿車』（車潤秋）、『Dudu』（杜度）都一直提住我幾時上同落番嚟，所以隊友同教練都幫咗我好多。」

方俊業指出，比賽移師FTC閉門進行，感覺壓力減輕不少，所以希望在餘下賽事盡量表現自己，即使改打右閘仍想取得入球。

方俊業打右閘都想士哥

於B組居首的冠忠南區，今仗只要全取3分即可直接躋身決賽，其中在今屆菁英盃4次把關皆保不敗的蔡子濤，更憑長達326分鐘的不失球紀錄被隊友戲稱為「磁石濤」。不過，這位年輕門將卻謙稱自己純屬「好運」︰「我覺得守龍呢個位置都好講運氣，但自己都係每日keep住練波，要有隨時都準備好嘅心態。今年踢到第3年，喺技術上都會好咗，都間接造就咗呢個紀錄！」

蔡子濤還表示，為免夜長夢多，今場南區非勝不可︰「最緊要幫到球隊贏波入決賽，自己踢咁耐波淨係踢過一次決賽，仲要係讀中學嗰陣，所以好想體驗吓以職業球員身份踢決賽係乜嘢一回事，若果幫南區攞到第一隻盃就更好啦！」