要求康文署「畀場」
康文署康樂設施自上月尾因疫情而暫時關閉，令多支港超球隊未能如常操練及作賽。雖然香港足球總會已安排16場菁英盃及2場足總盃賽事，移師往將軍澳賽馬會香港足球總會足球訓練中心（FTC）閉門進行，惟聯賽安排卻未有下文。昨日10支港超球隊代表進行緊急會議並達成共識，假若康文署3月未能提供合適場地給予港超球隊作閉門比賽，10支球隊會罷賽。
冠忠南區主席陳文俊於會後表示，各隊均認為FTC只適合作訓練用途，同時亦透露身兼足總董事的球會會長黃良柏，會代表球會向足總反映︰「如果一切順利，喺旺角場或者小西灣（聯賽閉門作賽）都冇問題。我哋都理解防疫係優先，但係球會都有自己嘅考慮因素。」
至於是次會議召集人、標準流浪總監李輝立認為，希望今次決定能夠引起有關部門關注︰「究竟康文署會唔會畀場我哋呢？邊個負責同佢哋傾？到依家足總都好似未有頭緒，未有答覆畀咁多間球會。如果康文署真係畀唔到場，10間超聯球會都一致通過唔踢，睇吓政府嗰方面關唔關注。」