情人節睇好波抗毒

（on.cc東網周五下午1時起直播）

香港飛馬強襲標準流浪

香港飛馬今季在「菁英盃」表現不俗，4戰錄得3勝1負，隊中數名U22球員表現上佳是成績好的主因。上輪分組賽替球隊絕殺強敵東方龍獅的19歲翼鋒張憙延（Marcus）表示：「入咗嗰球波之後信心大咗，依家無論練波定友賽，都畀到隊友信心，放膽畀我做多啲嘢！今季雖然出場時間冇上季咁多，但係就算只有幾分鐘，都要交到好表現畀人睇！」

標準流浪中場 黃本煒	傑志前鋒 畢頓	東方龍獅翼衞 播磨浩謙

他亦謂今季在體能和防守意識上大有提升，更誓言：「對流浪我哋一定要贏，球會好重視呢個盃賽，所以好希望成功出線，之後幫球會攞番呢個錦標！」

比賽首次移師至賽馬會香港足球總會足球訓練中心進行，Marcus認為好壞參半：「我覺得有好有唔好，冇球迷嘅話自己會冇咁驚、冇咁大壓力，但係如果自己表現好，冇家人、球迷支持嘅話，都係好可惜。」

黃本煒揚言「有得鍊」

標準流浪戰畢6仗仍未嘗一勝，雖然成績不理想，但19歲右中場黃本煒認為表現已較之前進步：「上場對傑志我哋表現得唔錯，教練嘅部署、戰術都做到出嚟，可惜少少犯錯導致對手可以入到3球波，但整體嚟講都算唔錯，始終上半場我哋守到0比0，防守得好緊密。」今日面對香港飛馬，「煒仔」明言：「我覺得飛馬同我哋水平差唔多，如果把握力再好少少，我哋有機會贏波！」

傑志東方龍獅榜首爭崩頭

今日尾場賽事，則上演榜首「6分波」，由傑志對東方龍獅。目前以對賽成績稍遜屈居第二的傑志，只要今場擊敗東方龍獅，便能逆轉形勢。20歲快翼畢頓亦深明此理：「今場係一場極之重要嘅比賽，我哋一定要贏波去爭取出線，我哋一班年輕球員會好專注去備戰，雖然我哋只係得2日去恢復，但係我哋會喺呢方面做到最好，希望可以用100%嘅體力去對付東方！」

Tiger倒戈明言唔衰得

另邊廂，東方龍獅亦對今仗3分志在必得。首循環射破傑志大門，助東方取得較佳對賽成績的22歲小將播磨浩謙（Tiger）表明，為了爭取決賽席位，今仗非勝不可：「係傑志令我成為職業球員，我都好多謝佢哋。但係今次倒戈，一定係當決賽咁踢，要盡全力去踢，我相信如果佢哋見到我有進步，佢哋都會好開心。」

加盟東方逾半季，Tiger坦言心態比之前大有改善：「以前喺傑志心態上會覺得自己後生，可以容許多啲犯錯，但係嚟到東方，競爭大咗，就算練波都唔可以有一啲大意嘅犯錯，心態上進步咗好多。」前鋒出身的Tiger去仗轉任右翼衞，他透露：「其實一路都有試過踢呢個位置，但係自己喺溝通上未係好習慣，不過都OK嘅！」