東方龍獅入主索察合作搞青訓
東方龍獅青訓網絡擴至法國！東方龍獅近年推行「Project E」，安排本地小將到葡萄牙球會學法，甚至投身當地職業球圈。昨日東方體育會副主席游永強透露，會方去年7月在機緣巧合下入主法乙球會索察，並已安排4位球員前往當地學法，意味東方把青訓版圖，會由葡萄牙擴展到法國。
游永強還表示，球會今季由戴文康出任會務發展總監一職，除負責推廣球會對外的發展及合作外，目前他已安排4位10歲球員，在父母隨行下旅居法國，在當地接受教育及與父母同住，讓球員可在符合國際足協規例下上陣︰「其實『戴Sir』舊年已經幫手睇住東方包括『Project E』在內嘅業務發展，依家多埋法國呢邊嘅機會，未來佢會利用法國嘅資源，去帶動香港嘅青訓計畫。大家睇到『Project E』已經係一個好嘅開始，有梁祐維成功轉做職業球員。」
游永強︰透過Project E串連港法葡
雖然2018-19年球季，索察曾捲入降班漩渦，但游永強指該會青訓系統屬全國三甲，每年出產不少具質素的年輕球員：「我哋入主嘅時候，有個好好嘅球員19歲就去咗國際米蘭，我希望『戴Sir』可以將香港、法國、葡萄牙串連一齊，以一個跨越亞洲嘅資源去培訓香港嘅年輕球員。」按索察官網資料顯示，香港德普科技集團於2015年7月6日，正式由原持有者標致雪鐵龍手上收購索察全部股份。