視大埔為家中村冀創奇迹報答
日裔港將中村祐人季初由傑志外借至和富大埔，這亦是他相隔一年後重投這支球隊。今晚中村更有機會代表大埔出戰亞冠盃，這對於重視情義的他來說，別具一番意義。
雖然與兩季前相比，大埔如今已人面全非，實力亦無疑較之前遜色，但中村認為有一種本質在大埔依舊存在：「大埔好似一個家咁，當我失落時歡迎我返嚟。而今季我嘅表現好轉，亦都係因為重拾番信心，我好想報答番球會。」他特別感謝曾向他伸出援手的人：「感激李太（和富社企其中一位負責人李麥潔娉女士）同球迷嘅支持，我喺到感受到家嘅溫暖，我想為大埔而戰！」
大埔今晚出戰吉打的亞冠盃外圍賽，中村祐人坦言在亞冠舞台亮相是其夢想。雖然賽前被看淡，但中村仍希望懷着信念為大埔踢出好波：「雖然球隊近況唔算好，但我哋有機會創造奇迹，我會拚盡百二分力為大埔爭勝！」