和富大埔留力不敵冠忠南區

大埔戰罷昨仗後，今日就要起程前往馬來西亞，為亞冠盃作準備，加上傷兵不少，故是役僅起用金玟基和勞高助拳。至於南區今季曾「雙殺」大埔，為再下一城特別派出新援文迪斯及查維斯作「雙鬼拍門」，不過今仗先拔頭籌的卻是其隊友陳肇鈞，開賽11分鐘他窄角度射破錢兆琛「大細龍門」，南區領先1比0。之後就輪到查維斯表演，他先在23分鐘助攻文迪斯建功，7分鐘後再突破越位，並推過門將一射破網，南區開賽半小時已贏到3比0。上半場補時1分鐘，大埔終由陳文輝破蛋，追成1比3入更衣室。

易邊後大埔傾力反撲，63分鐘車潤秋一記窩利抽射建功，為大埔追近至2比3，可惜73分鐘大埔門將錢兆琛出迎失誤，帶挈後備入替的迪亞高射入空門，結果南區憑此球鎖定贏4比2。

傷兵多亞冠外都受影響

和富大埔總監馮凱文賽後表示，今仗唐道碧、雲美亞斯、杜度和勞高仍在養傷，加上早段傷出的杜瑋鴻，中堅位置尤其捉襟見肘，更連帶影響下周迎戰吉打的亞冠外賽事：「亞冠雲美亞斯、杜度都要紮住出，勞高今場同佢講咗淨係踢65分鐘，如果踢晒我諗亞冠佢都出唔到。期望去到馬來西亞傷兵恢復會再好啲，全力踢呢場比賽。」

「馮Sir」還透露，新主教練戴貝碧正在馬來西亞辦理證件登記手續，並僅會指揮亞洲賽，他自己就會從旁協助，至於本地賽則會由「馮Sir」與另一新教練艾雲配合執教。圖/文：黃雋謙