菁英盃B組 好戲輪住上

佳聯元朗力鬥和富大埔

上仗聯賽悶和愉園的佳聯元朗，繼續在聯賽榜敬陪末席，然而「橙衫軍」於「菁英盃」則有不俗成績，目前暫居小組次席。今季曾連續4場出任正選的黃晉軒表示，在體能上已逐漸適應比賽︰「自己比前兩年踢多咗，喺適應比賽節奏會好啲，會快啲入局。以前我未踢足過90分鐘，今季兩場菁英盃都踢足，另外嗰場都踢到90分鐘先換走，所以體能上好咗，教練同隊友都有提點同鼓勵我，所以我哋幾位U22球員都放膽去踢，希望可以盡快為球隊入波或有助攻。」

孫銘謙：要做好防守先

剛於「拆禮物日」出戰「高級組銀牌」4強遭理文淘汰的和富大埔，輸波之餘更損兵折將，先後有守將廖偉業及門將陸平中傷出，總監兼主教練馮凱文亦因投訴球證被逐，前鋒辛祖則於賽後透露與球會提前解約。

「綠戰士」元旦日將火併冠忠南區，迎來一周3戰的地獄賽程。剛隨港隊出戰「東亞盃」的孫銘謙表示，在港隊應付類似情況時所做的復康訓練及時間安排，均對他有所得着︰「今季我同『馮Sir』都希望自己打前，但球隊有需要時我都唔介意打後，上場失嗰3球波自己都有責任，所以都想做好防守先！」

和富大埔前鋒 孫銘謙	富力R&F翼鋒 麥富城	愉園前鋒 朱偉鈞

富力R&F愉園鍊盡搶分

富力R&F目前以4分位列小組第3，今日尾場若能擊敗愉園，便能直逼榜首雙雄冠忠南區及佳聯元朗。早前曾取得入球的19歲翼鋒麥富城表明，雖然對手經驗上佔優，但自己絕不認輸：「愉園比較多年輕球員，佢哋喺聯賽有好多上陣機會，但我都相信我哋唔會差過佢哋，因為我哋每次落場，都會出盡力去爭取表現。」他續道：「喺『菁英盃』主要目標係希望自己比上年進步，最重要係幫球隊贏波！」「富城」又表明要多加防範愉園前鋒朱偉鈞，畢竟他上仗創造出多個入球。

朱偉鈞期待面對舊隊友

被「點名」的愉園前鋒朱偉鈞則表示：「球隊喺聯賽每場都有出4至5個年輕球員，呢方面係有優勢，但富力嘅外援好強，所以今場波都係難踢。」上輪以4比2擊敗和富大埔一役當中，朱偉鈞參與了其中3球，他希望能延續良好表現，爭取入球助球隊取得勝利。過去在青年軍及效力夢想FC期間，朱偉鈞曾與林衍廷、林樂勤及謝家榮合作無間，如今各為其主，他坦言十分想念這班昔日球友，亦期待與他們交手：「自從14歲對過『Fat Gor』（林衍廷）之後，6年後嘅今場波先再對番，感覺好得意！」