「聖誕快樂祝各位開心快樂！喺我哋兩周年日子，以一個反傳統方式，我向PK（冰球名將Subban）要求娶我，佢答應咗！」奧運獎牌滑雪名將沃恩聖誕節當日宣布喜訊，「Yes！唔係得女人先可以戴求婚戒指！」
現年35歲嘅沃恩，喺社交網宣布好消息，並上載同3隻愛犬喺聖誕樹下嘅合照，相片中見到男友Subban戴上戒指，相當溫馨。沃恩過去喺冬季奧運會贏過3面獎牌，及4次世界盃總冠軍，不過佢最廣為人知，可能係與高球傳奇老虎活士嘅一段情。
沃恩今年初退役，而佢與現年30歲嘅NHL名將Subban於2017年相戀，沃恩曾經同前滑雪好手Thomas Vonn結婚，兩人離婚後仍然留用住前夫嘅姓氏。