勒邦占士缺陣湖人崩潰

NBA奪標熱門洛杉磯湖人昨日又輸波，今季首次遭遇3連敗。「紫金兵團」今場喺主場以104比128不敵金塊，頭號球星「大帝」勒邦占士因胸部肌肉受傷缺陣，令球隊進攻火力大減。翻查往績，湖人今季喺主力雙核「大帝」同「一眉」安東尼戴維斯其中一人缺陣下合共3戰，錄得1勝2負，撇除砌低放棄咗今個球季嘅勇士外，其餘兩場輸晒，過分倚賴孖寶問題，成為湖人一大隱憂。