鐵粉睇港隊48小時飛3程

「港迷唔撐HK邊個撐？」

本報上周六介紹中四學生「阿Tong」自墊旅費「快閃」南韓撐港隊的故事後，讀者有否感受到香港年輕一代球迷熱愛港隊的程度？以為15歲的「阿Tong」已經好「癡線」？未夠，更瘋狂的陸續有嚟。今次的主角Welly，是一名在蘇格蘭留學的香港學生，他為了支持香港隊踢東亞錦標賽，專誠在上周四由愛丁堡飛到倫敦，再轉乘航班返港，再在上周五出發前往釜山，48小時內飛足三趟，只為了觀看香港隊上周六對日本以及周三對中國的賽事。為了不影響學習進度，Welly還提早完成本需在上周呈交的學術論文。

兩天內飛越近10,000公里距離，這並不是一般人所能忍受的，但Welly坦言為撐港隊，飛到「天腳底」都願意：「作為一個喜愛足球嘅香港人，我唔去支持香港隊，仲有邊個會去？」

賽果唔重要 堅持先有希望

港隊在今次東亞錦標賽首仗以兩球不敵南韓，去仗亦以0比5大敗予日本，下仗更要硬撼中國隊，在極有可能成為「三零部隊」之下，有人甚至會嘲笑像Welly這般癡心的球迷：「老遠過嚟睇港隊畀人炒？」但Welly反問，難道對手實力強所以未開波就投降了嗎？「足球就係一種堅持先會見到希望嘅運動，就算輸都唔緊要，最緊要係畀到強隊麻煩，同堅持港隊嘅打法，今次對3支強隊就係一個建立自己打法嘅機會。」Welly道。

香港隊將在周三迎接對中國的硬仗，Welly知道將是一場混雜球場內外、恩怨情仇的鬥爭，然而他並不在乎對手是中國隊與否，因為在他心中就只有香港隊：「其實我覺得冇咩唔同，反正我都只係跟球隊作客，對手係邊個都唔太關事，最重要嘅係香港隊。」

黃雋謙釜山直擊