愉園和富大埔爭開齋

愉園後衞 張俊軒

20歲張俊軒何振廷博表現

以年輕球員為骨幹的愉園於「菁英盃」賽事兩連敗，司職後衞的20歲小將張俊軒（Marco）期望今仗能終止頹勢：「球隊好耐冇贏波，知道對手主力如辛祖、孫銘謙都唔喺香港，所以我哋今場有機會拎到3分！」Marco今季各項賽事5次正選、2次後備上陣，出場機會比其他隊友多：「一開始好唔適應節奏，依家踢多咗開始適應到，雖然都會有少少緊張，但放鬆咗好多，我踢右翼衞會上上落落，有機會都會起腳！」

• 和富大埔中場 何振廷

相隔一個多月再次出戰「菁英盃」分組賽的和富大埔，同樣未有分數落袋，20歲中場何振廷期望取勝之餘，還能表現自己：「希望大膽啲做番平時練波嘅嘢，唔好見到有外援就畀晒啲波佢哋，要做好一個球員嘅角色。」

今屆是「阿廷」最後一屆以適齡球員身份出戰「菁英盃」，他渴望證明能力：「我今季嘅目標係踢法成熟啲，等大家認同我係有能力喺港超立足！」「阿廷」曾在青年賽事與愉園球員在小西灣運動場較量，事隔多年，他希望憑藉今仗機會測試對手，看看他們這幾年的進步有多大。