省港盃暫緩貝鈞奇︰爭取保留主客制
香港足球總會昨日召開董事會，討論多項盃賽安排。據足總主席貝鈞奇透露，備受關注的「第42屆省港盃」將會延期上演：「目前省港盃嘅情況係『暫緩』，唔係唔踢，只不過唔係喺原訂嘅日期舉行，呢方面要再同廣東省足協再傾。」網上近日流傳省港盃將會在廣州進行兼以一場定勝負，對此，貝主席表示：「曾經有咁嘅考慮，但係對方都話再拖一拖時間、睇定啲先，我哋會爭取番主客制。」
賀歲盃或由港聯對港隊
「鼠年賀歲盃」方面，貝主席強調一定會舉行，惟戲碼仍有待落實：「賀歲盃我哋原本係預算畀香港飛馬申請，但係佢哋撤回咗申請。原本想打單頭（一場過），但係ＦＣ東京輸咗波，導致邀請唔到佢哋。我哋都有邀請過其他外隊，但係依家未有其他外隊嚟探路，亦未有答覆。如果有『飛來蜢』嘅話，我哋都會考慮，最壞打算係港聯對港隊，頭場女子隊打場波。」至於原訂9月舉行的「賽馬會社區盃」，目前未有復辦時間表。
陳焌鏗報道