香港飛馬佳聯元朗搶分夜鬥
今晚「中銀人壽香港超級聯賽」於香港大球場上演搶分騷，由聯賽尚未「開齋」的兩軍香港飛馬主場迎戰佳聯元朗，雙方近況漸入佳境，主帥異口同聲明言只會以3分為目標！（周一晚8時開賽）
香港飛馬上輪聯賽於補時階段被冠忠南區追和，未能敲響勝鼓，及後出戰「高級組銀牌」又重蹈覆轍，補時階段遭富力R&F攻陷，被擯出局。主教練文彼得雖認為球員表現不俗，但強調球員心態同樣重要︰「上場對富力打得唔錯，球隊團結性及整體都好咗，希望保持到士氣同鬥志，面對任何對手都要有贏波嘅心態！」「文Sir」亦寄語球員不能掉以輕心︰「對手個打法都唔差，我哋都要小心啲。始終現今足球，喺自己後半場用兩三腳波由守轉攻嘅元素好緊要，我哋操練時都有相關練習。」
陳文俊：文迪斯係危險人物
上仗「菁英盃」以3比0擊敗愉園的佳聯元朗，主教練陳文俊認為球隊取得今季首勝，紓緩了一定壓力，但坦承聯賽戰線是另一回事︰「上仗有好多嘢都未係最理想，所以都有趁休戰期去改善。大家都知道今場波好重要，目標就係要去贏波，心態上係強嘅！」「陳Sir」認為飛馬表現漸見進步，爭勝增添難度︰「對手最近情況改善咗好多，特別係文迪斯，佢個人能力好強，而佐佐木周喺前線亦好靈活，所以要小心呢啲危險人物。」
