和富大埔嘉諾Sir請辭
和富大埔昨午公布，主教練之一的郭嘉諾因亞洲足協專業級教練課程延期至明年初，未能同時兼顧之後「綠戰士」出戰亞洲賽，故經與會方商議後，決定請辭，並獲得球會接納，即日起球隊的主教練職務由馮凱文全權負責。和富大埔會方透過facebook專頁感謝郭嘉諾一直以來的付出外，多名球員都對其離任感到不捨。
對於郭嘉諾今次離任，和富大埔門將陸平中表示：「雖然『嘉諾Sir』冇講點解，但係以我認識嘅佢一定有自己原因，所以我唔覺得佢不負責任。呢幾個月雖然佢有時要去上堂，但係帶咗一套有系統嘅踢法同陣式返嚟，我希望球隊未來可以的話，都繼續用『嘉諾Sir』套嘢去到季尾。當然覺得可惜，因為佢係一個有感染力、有heart嘅教練，佢離職我係覺得好突然亦有啲唔開心，但係做球員只可以keep住有好表現，我相信佢見到我哋踢得好都會覺得開心！」
辛祖送上祝福
和富大埔前鋒辛祖就話：「佢離隊對我哋嚟講唔係好事，因為佢有明確嘅計劃，話畀我哋知應該點踢。佢為球隊做咗好多嘢，我希望佢有一個美好嘅未來，而我哋亦會好好準備嚟緊嘅比賽。」