學界水霸王鬥心爆棚 男拔力爭27連勝
「港島及九龍地域中學校際游泳比賽」D1組賽事今日在九龍公園泳池展開，豪取男子組總冠軍超過4分1世紀的拔萃男書院，成為眾學校的狙擊對象，勁敵包括喇沙及聖若瑟，「今年嘅目標當然係27連霸！師兄建立嘅江山，希望唔會畀我哋摧毀，帶住信心同目標，攞走全場總冠軍。」男拔泳隊隊長伍棹然（Wesley）眼神堅定地說，另一隊長莫亦朗（Michael）亦點頭認同，二人誓以隊長身分爭取「大滿貫」，再度高舉冠軍獎座。
在競爭激烈的學界比賽中，贏1次冠軍已不容易，多年稱霸更是實力的見證。戴着廿多年霸主的冠冕，Michael不敢怠慢，「我哋8月份去咗沙巴集訓，教導新隊員接力技巧，培養默契，希望喺學界可以靠Relay start贏到。」接力是積分雙倍計算的項目，男拔上屆在6個接力項目贏了4個，但他們並不滿足於此，「我哋想贏晒全部」。
在訓練中，即使僅1個人犯錯，所有人都要一同受罰，隊長們想讓新隊員知道，團隊比個人榮譽更重要，Wesley說：「今年以隊長身份帶領師弟，唔同過去5年只為個人目標努力，要分配隊員游邊個項目，互相配合。」身為3項長池香港青年紀錄保持者，上屆又刷新學界50米及100米背紀錄的Wesley並不因此自滿，甘願轉戰其他項目搶分，希望攞盡分數。泳隊隊長的重擔不僅於成績上，尚要花時間去處理行政工作，還要兼顧學業，分配時間是一大挑戰，Michael說：「開頭唔習慣，但慢慢變得享受，雖然犧牲時間冇得去玩，但游水係我依家最想做好嘅事。」
同學嗌加油最強動力
拔萃對他們而言不只是學校，更是「第二個家」，Wesley說：「學校入面千幾個兄弟，即使佢哋唔喺泳池，但都會Send句加油同我哋打氣，簡單一句已經好溫暖、好有動力。」在男拔生活經已11年的Michael感受特別深刻，「中三嗰年喺校內計分賽整斷手指，到決賽日仲係好痛，當時有個師兄同我講，記住『拔萃』兩個字就會有無窮力量，就係咁破咗PB（個人最佳成績），真係完全冇諗過。」女子組方面，拔萃女書院大熱出擊，爭取32連霸。
港島及九龍地域中學校際游泳比賽（D1組）
日期：10月18日（初賽）及10月25日（決賽）
開賽時間：早上8時45分
地點：九龍公園游泳池
註：憑票入場，門票不公開發售/派發
圖：余樂詩/文：伍靖華