兼任助教同「文總」拍住上

今季加盟咗香港飛馬，除咗踢之外，仲多咗一個身份，就係加入飛馬教練團幫手做助教。對我嚟講絕對係一個新挑戰，希望可以用自己嘅經驗為球隊出少少力，雖然我係新加入球隊，但感覺一啲都唔陌生，因為由老闆、教練、球員到工作人員，都係以前合作過嘅，所以我有一種「回家」嘅感覺。

盼培養更多年輕球員

喺度特別要多謝老闆畀我呢個機會，可以延續足球員呢個身份；好高興可以同我征戰沙場多年嘅「文總」文彼得再度合作，雖然大家角色唔同咗，但我哋兩個嘅目標都係一致，盡力為球隊同球迷爭勝之餘，希望可以培養更加多嘅年青球員。

我會畀心機邊做邊學，希望大家可以支持我，支持香港飛馬！