曼聯跟操見到球星定晒格

回想當年前往英國在曼聯青年隊跟操的時光，陳瑋樂現在仍感回味無窮。他憶述當時遇上曼聯球員的片段：「嗰陣一去到卡寧頓訓練場，見到尹佩斯、香川真司等球星，佢哋個個都揸靚車去球場，真係好威！仲有見到迪基亞真人，發現原來佢真係咁高。」瑋樂還透露曾與一位球星近距離接觸，當時更嚇到目瞪口呆：「嗰陣同費格遜助教，梅倫史甸喺健身室做體能測試，突然見到貝碧托夫！嗰陣真係唔敢同佢打招呼，我記得佢有望過嚟，但我哋竟然呆哂唔知做乜嘢！」