堅Sir倒戈東方龍獅鬥和富大埔

同日另一場港超，有主教練李志堅倒戈，帶領東方龍獅於主場惡鬥和富大埔。東方日前宣布簽入港隊中場黃威，「堅Sir」直言此子可令進攻上有更多配搭，惟黃威狀態未足，今仗未必會披甲。對於今場「倒戈戰」，李志堅則表示︰「呢幾年喺大埔一定有特別嘅感情，無論球員定教練都經歷咗好多，由3年前開始到上季攞聯賽冠軍，係呢一世都唔會忘記嘅事，但係呢啲情況（倒戈）喺足球世界經常都出現，惟有各自努力。」至於傷兵方面，目前兩位中場利馬及迪高仍有傷，幸而上仗後備上陣的艾華度則有望正選復出。
東方龍獅中場 利馬
東方龍獅中場 利馬

郭嘉諾：唔怕輸就會有驚喜

和富大埔尚未打開今季勝利之門，主教練之一的郭嘉諾期望球隊以心態取勝：「我哋有留意東方嘅賽事，知道『堅Sir』嘅踢法，反而我哋覺得佢唔係好熟悉今季嘅大埔，因為我哋最好嗰一面仲未表現到出嚟。今場我覺得其實壓力喺對手身上，我哋成班從來冇怕輸嘅感覺，好似上季我教元朗咁，唔怕輸反而會有喜出望外嘅表現！」

和富大埔前鋒 辛祖
  • 和富大埔前鋒 辛祖

由於韓援金玟基停賽，大埔獲傑志外借日裔前鋒中村祐人，「郭Sir」明言此子能有助球隊於前場建立逼搶、控球的風格，令進攻更平衡。傷停方面，大埔隊長杜度、右閘廖偉業、前鋒勞高受傷，上陣成疑。