香港飛馬火併標準流浪
「中銀人壽香港超級聯賽」今午上演獨腳戲，香港飛馬於主場香港大球場迎戰標準流浪。兩軍剛於盃賽同樣有好表現，飛馬在銀牌過關；流浪則於菁英盃踢和東方龍獅，雖因換人出錯隨時「由和變輸」，但表現已見進步，兩軍為爭取聯賽「開齋」，必法寶盡出望高奏凱歌！（周六下午2時30分開賽）
文彼得：小心基藍馬制空權
飛馬上周銀牌憑陳曉鋒的入球，1比0淘汰愉園兼獲得本季首捷，惟主教練文彼得強調不能忽視今仗對手︰「流浪上場對東方踢得唔曳，加上簽咗基藍馬同借用林學曦，實力更強。可能基藍馬係比較慢啲，但佢制空權強，呢方面要小心提防。」飛馬今仗有陳偉豪停賽，早前因傷返回家鄉西班牙養傷的前鋒加西亞，已於周一歸隊並開始操練，大有機會亮相。
聯賽兩戰皆北的標準流浪周二晚在菁英盃「換錯人」，很大機會被判輸0比3，但教練團認為事件令球隊更團結，齊心爭取佳績。能夠賽和東方龍獅，教練團認為已證明球隊具一定水準，面對勢必踢得較主動的飛馬，希望球員為分數搏盡，除了劉智樂因借用條例無法上陣外，其他球員均可候命。
何彥霆報道