戴偉浚入加盟狼隊第1球
喺香港出世、曾經婉拒香港足球隊徵召嘅20歲中場新星戴偉浚，今季由英甲牛津聯「升呢」加盟英超新勢力狼隊，雖然暫時未有機會喺英超亮相，不過佢尋日代表狼隊U21出戰英錦賽（英格蘭聯賽錦標）作客卡素爾，就成功拎到加盟後第1個入球！
着60號波衫嘅戴偉浚今場擔任進攻中場，40分鐘兩隊踢成1比1嗰陣，戴偉浚喺中場接波，推咗幾步後離門廿幾碼狂抽皮球直飛入網！其實呢位新星對英錦賽並唔陌生，佢2018年效力英乙貝利嗰陣，就曾經喺呢項賽事射破費列活特大門。狼隊U21最終贏4比2，喺英錦賽北部G組旗開得勝，目前同黑池同得3分排榜首。
不過，呢件好事就引起中港球迷爭議，有本港球迷不滿佢選擇代表中國青年軍，認為佢唔係自己人。