Supernova獲贊助發掘未來車神 石上釗：雙輪改變我一生
新鴻基地產今年開始冠名贊助Supernova車隊，藉此發掘有潛質的單車運動員，讓他們接受有系統的專業訓練，以助他們加入香港隊，未來參加國際賽為港爭取佳績。其中一位隊員、17歲的石上釗自4年前踏上單車後，他的人生便徹底改變。
Supernova在2016年成立，石上釗是首屆學員之一，經過一番鍛煉後，3年間贏過包括全港公路單車賽少年組冠軍、台東單車邀請賽殿軍等多個大小獎項，今年開始更得到體育學院資助，入選香港隊青年軍。不過，別以為他自小便與單車結緣，原來他的優厚潛質3年前才被發掘：「14歲時去親戚屋企先第一次踩單車，點知一踩就出事啦！」
打工買「最愛」4樓搬上搬落
「上釗」坦言，由踏上雙輪一刻便知道，單車便是一生中最愛，他特別喜愛由斜坡衝下來的那份速度感，令他開始專注這項運動，甚至不惜在求學階段花課餘時間，在茶餐廳打工，為的是買一輛屬於自己的單車：「除咗踩車，其他時間都返工。4點幾放學6點就返工，返到10點半，半年時間都係咁。有時因為麻煩客而氣頂，但為咗部車惟有唔理佢繼續做。」死慳死抵，忍辱負重，終於儲夠9,000元購買一輛單車，他對座駕珍而重之，甚至每日將它由4樓的住所搬上搬落，都不希望它日曬如淋。
「想做唔會後悔嘅事」
「上釗」對單車的愛，更使他過往平平無奇的生活畫上色彩。他假設當初沒有遇上單車，自己會如一個普通學生般，每天上學、放學、做功課、睡覺，畢業後隨意找一份工作。但如今的「上釗」明言：「我唔想咁，依家只想喺單車放多啲時間落去。書可以之後讀番，但單車過咗就冇，我想做啲之後唔會後悔嘅嘢。」
「上釗」踩車明志的經歷使人感動，不過，即使眾人皆為他鼓掌，他還在等待某人的一聲讚賞，她就是「上釗」母親。「雖然我一直努力咁踩，但佢好似一直都唔支持咁。」他語帶悲傷。不過，「上釗媽咪」又豈會不為兒子堅持做一件事而動容？可能只是口硬心軟。年輕人，繼續堅持，加油啦！
圖/文：黃雋謙