陳偉豪：冇諗過跟Peter仔
港超球會香港飛馬日前宣布陳偉豪以助教兼球員身份加盟，「豪哥」昨日首次出席球隊操練，逾3個月未有訓練的他在收操後都大嘆：「好攰！」
由加盟甲組球隊東區搖身一變成為飛馬成員，「豪哥」透露從接洽到落實簽約只需一個多小時，笑言是全球最快的一宗簽約。他表示自己過去兩季曾與助教冼家裕於夢想FC合作，加上與主教練文彼得及隊長陳肇麒等相識多年，相信能迅速磨合：「冇諗過大家可以再合作，尤其係你叫我跟『Peter仔』（即主教練文彼得），真係冇諗過！」他強調首要目標是提升狀態。
文彼得：靠佢幫手睇住後場
文彼得表明「豪哥」加盟對球隊有利：「有時我喺場邊嗌，嗌得前場就睇唔到後場，嗌得後場又睇唔到前場，依家『偉豪』可以幫我睇住喺後邊。」但「文Sir」慨嘆香港青訓體系仍有待改善：「如果有潛質嘅球員要到17、18歲先跟職業隊練習，係咪太遲呢？我覺得無論香港足總、教練都需要去進步。」陳肇麒則認為37歲的「豪哥」實力毋庸置疑，也能成為年輕球員榜樣。然而這亦是香港足球的悲哀：「後生嘅上唔到嚟，趕我哋唔走，我哋都想有後生踢得好，然後我哋退落嚟。」
陳焌鏗報道