祖連奴重返佳聯元朗幫到手
和富大埔與佳聯元朗昨假賽馬會香港足球總會足球訓練中心拍跳，佳聯元朗憑新兵卡真奴、祖連奴的入球，以2比1擊敗有陸志豪一度追平的和富大埔。
開賽初段，佳聯元朗有卡真奴突破越位先拔頭籌，其後和富大埔亦不甘示弱，新加盟的陸志豪禁區內快射，將比數改寫成1比1。隨後祖連奴把握對手失誤射入，替元朗以2比1領先上半場。易邊後，大埔調入勞高、辛祖加強攻力，惟多次攻門都未能轉化成入球，最終元朗以2比1擊敗大埔。
迅速融入拍跳埋齋
和富大埔主教練郭嘉諾表示：「今場值得開心嘅係，雖然金玟基、辛祖、勞高只踢咗大約20分鐘，但已經好有威脅，金玟基更加係愈嚟愈弗！防守方面需要改善，減少大意失球，同時因為遲開操導致唔少球員體能未能應付90分鐘比賽，期望喺泰國集訓時有所調整。」
佳聯元朗主教練陳文俊則稱，球員準備及配合都較之前好，並看好今夏回歸的祖連奴能協助爭取佳績：「祖連奴好快融入球隊，佢喺香港踢咗幾年波，入楔、射門等能力有目共睹，可以同球隊踢法互相配合。」