愉園拍跳志在練氣揀蟀 冠忠南區有Heart抵讚！
兩支港超球隊冠忠南區與愉園昨午相約於賽馬會香港足球總會足球訓練中心進行拍跳；南區於上半場初段憑高美斯入球先開紀錄，及後愉園雖有試腳前鋒加維蘭扳平，但南區亦有夏志明增添紀錄，最終以2比1擊敗愉園。
賽後冠忠南區主教練鄭兆聰表示：「第1場波我覺得新兵融入得OK，最緊要係睇到佢哋有合作嘅心，因為我哋要踢整體，上半場大家踢得幾好，失球雖然係我哋誤傳，我哋會喺防守上面執一執，但整體都滿意球員表現。」鄭兆聰又指出戰港超聯的正選11人名單，仍須待泰國集訓後才能落實。新加盟的陳肇鈞（Philip）在下半場曾串演左翼，問及Philip的表現，「Ricky Sir」未有正面回應，笑言：「我會擺Philip去佢最舒服嘅位置！」
加維蘭簽約在望
至於愉園主教練鮑家耀則稱，球員速度、身形及體能等與超聯球隊差距大，至今只操練兩星期便約熱身賽，目的是觀察試腳外援表現。「鮑Sir」亦對球員表現感滿意，期望透過更多的熱身賽，適應超聯的速度。試腳外援加維蘭今仗為球隊建功，「鮑Sir」明言：「佢平時操練都有水準畀我哋睇到，今場入咗1球，提升咗簽約機會，呢樣嘢要同高層再商量。」去季效力夢想FC的北村祝和朱偉鈞目前正跟隨愉園操練，今仗亦有替「快活谷」上陣，「鮑Sir」透露兩人並未簽約，仍在觀察中。
陳焌鏗報道