遺憾退役沈國輝：吹雞一刻有啲酸

未能為球隊寫下歷史，也未能以勝利作結，「大佬」說：「講真真係好想攞個盃走，但係當我哋幾個機會唔入，轉個頭畀人入番，腦裏面真係一片空白，不過踢波就係咁。嗰一刻我真係唔開心，但都冇辦法，唔係我哋控制到，係少少遺憾，始終唔係完美結局。」還有4天才滿35歲的「大佬」坦言：「球證吹雞嗰刻，嗰一刻係有啲酸，但係我哋球隊上下都盡晒力，攞唔到我哋想要嘅嘢，惟有展望佢哋下季做得更好。」

感覺受注視 喜出望外

輾轉成為足球員已達17年，問到「大佬」最難忘的事時，他想了想才回答：「近排先感覺到原來有咁多人支持我，以往人哋會覺得我係一個普普通通嘅球員，但呢幾個禮拜，公布咗我會退役，先知原來有咁多人會睇我踢波、支持我，呢樣嘢好喜出望外！」「大佬」更看好陳港斌、伍啟睿、劉家銘、許宏鋒等4名隊友，認為他們有能力成為出色的閘位球員。