佳聯元朗勇挫冠忠南區

佳聯元朗復仇成功!昨午冠忠南區於主場香港仔運動場踢煞科戰,迎擊佳聯元朗。客隊成功報卻足總盃4強被淘汰之仇,以7比1大勝而回。

慕沙入兩球最威

志切復仇的佳聯元朗,開波3分鐘就由慕沙頭槌開紀錄,18分鐘張健峰亦有收穫,領先到2比0,不過元朗領先兩球依然未夠喉,杜馬思及卡立憑兩次高空攻擊各入1球,戰至34分鐘已贏到4比0。之後元朗守將基斯擺烏龍,令南區破蛋,但41分鐘嚴啟華建功,以5比1完半場。

易邊後南區試圖反撲,但始終失諸交臂,到完場前遭元朗羅振庭及慕沙攻入今仗個人第2球,結果元朗贏7比1。賽後主隊為季後退役的「大佬」沈國輝舉行掛靴儀式,場面感人。

圖/文:林卓臻