鬥香港飛馬冠忠南區寓賽於操

爭標僅餘下數字上機會的冠忠南區,上仗作客不敵和富大埔,主教練鄭兆聰(Ricky)認為球隊表現不俗︰「我滿意球隊表現,但對賽果感到失望,因為我哋需要贏波,狄卡奧受傷未能踢足90分鐘,陸志豪踢咗20分鐘左右就受傷,因此造成影響。我哋下半場踢得好好,追和後嗰20分鐘,更有兩三個入球機會。」

「Ricky」希望季尾讓較少落場的球員上陣,但也打算讓球員寓賽於操,備戰下仗「足總盃」4強對佳聯元朗︰「我想每個球員嚟緊對元朗都有十足嘅狀態,所以需要有18個球員準備好,球員要有比賽先有狀態。」

香港飛馬上仗作客理文,在領先一球之際因天雨曾兩度暫停,最終被對手以2比1反勝,主教練陳浩然賽前表示:「去到季尾鬥心最重要,尤其球隊依家只係喺聯賽爭更佳排名,練波時我睇到球員嘅態度好唔錯,只不過比賽時自己把握唔到機會,對手又把握到,係輸得有啲唔抵,所以嚟緊呢兩場聯賽都會保持鬥心,唔會話求其踢咗佢就算。」