「日本美斯」久保建英唔會再返巴塞？FC東京尋日主場3比1擊敗鹿島鹿角，繼續喺日職排第2位，賽後社長大金直樹被傳媒再次追問，新星久保建英會唔會一如西班牙媒體所傳，今年6月4日年滿18歲就馬上回歸「地上最強」嘅巴塞，佢一口否定所有傳聞：「所謂內定咗返巴塞一事，全無事實根據，大家傾都冇傾過。」大金仲話外媒吹噓皇馬、巴黎聖日耳門想簽久保亦得啖笑，因為至今球會Offer都未收過。