昨晨西甲愛斯賓奴雖以2比1擊敗艾拉維斯，但中國前鋒武磊（圖）繼續食白果，累計6場聯賽冇波入。武磊登陸西甲之後，有唔少上陣時間，今場更加係佢連續3場正選披甲，可惜演出乏善可陳，踢咗64分鐘都冇射門，佢今場最「突出表現」，竟然「鐵頭功」，撞到對手拿古亞迪亞眼角爆開流血，令人懷疑呢位「中國美斯」下季仲能否喺西甲出現。
