占士臨尾連炒4球湖人輸1分

湖人同紐約人屬於NBA最高市值嘅球隊，今場交鋒戰情亦非常精彩，主場嘅紐約人第1節領先41比30，但第2節輪到湖人發威，上半場更加反超前。下半場兩隊陷入拉鋸戰，今場攻入全場最高33分、8次助攻及6個籃板球嘅勒邦占士，比賽末段卻失準，最後2分鐘4次起手都射失，包括最後44秒被對手迪安迪佐敦封阻，白白睇住湖人輸波。

公鹿負76人

另一場得分大戰，東岸「一哥」公鹿雖有安迪杜甘普攻入52分及16個籃板球，但隊友表現欠佳，以125比130不敵76人。76人中鋒艾賓特有40分進帳及15個籃板球，占美畢拿取得27分，成為贏波功臣。