徐宏傑歸隊畀錦囊：繼續放膽踢
3月22至26日於蒙古出戰「亞洲足協二十三歲以下錦標賽」外圍賽的香港二十二歲以下代表隊（下稱香港U22），昨早在將軍澳訓練中心進行離港前最後一課操練。
效力中甲梅州客家的後衞徐宏傑，上周六聯賽出戰新疆雪豹後便返回香港，曾於兩年前出戰過這項賽事的他，對一眾師弟有不俗評價︰「呢隊有好多球員喺前幾年青年軍都有一齊踢，所以都熟悉，至於一啲新面孔如『孫銘』（孫銘謙）同『一仔』（陳晉一）等等，我認為『一仔』好有潛質，比賽唔怯場，好夠膽用個波，可能防守上就要提點吓佢。」
「傑仔」又期望一些外流球員能為球隊帶來正面影響︰「大家都後生，落到場都好有鬥心，之前睇省港盃，佢哋好多都有踢，只要繼續放膽去踢就可以。隊中亦有啲球員喺外國踢，無論身體或者心理質素都好好。」
「最緊要開好個頭」
談到今次香港U22爭奪出線的機會，徐宏傑表示︰「北韓同新加坡之前都對過，我對球隊都有信心，我哋好多球員喺港超有穩定出場機會，好有質素。依家最重要係第一場開好個頭，一定要攞咗3分先，如果唔係就好難踢。」雖然「傑仔」最近兩場中甲聯賽分別出任閘位及防中位置，但他強調自己幾個月前代表香港隊也是擔任中堅，因此認為問題不大。
香港U22主教練安頓表示，球隊備戰工作雖面對不少困難，但強調球員上下已準備好︰「首階段備戰只得5課操練，無奈季中呢段時間確係比較難去準備，今課先齊人操練，慶幸陣中並冇傷患，大家都準備就緒。我認為球隊擁有唔錯嘅人腳，加上徐宏傑有上屆喺北韓比賽嘅寶貴經驗，對我哋好重要。」
天氣影響改今日起程
香港U22原定周一飛赴蒙古，惟因受到當地天氣影響，臨時獲航空公司通知航班取消，並延至今日離港。