今季冠忠南區主場對和富大埔的聯賽，夏志明後備上陣並成功絕殺對手，替球隊取得寶貴3分。他賽後直播期間曾向球證廖國文「溫馨提示」：「廖國文，唔該你，我哋冇得罪你，求吓你下次睇得清楚啲！」此言論一出，即惹來球迷於網上熱烈討論。
問到「子彈」有否後悔作出上述言論時，他毫不猶豫地說：「冇！我踢波都踢咗咁多年，廖國文直頭可以講係睇住我大，佢邊有咁小氣呀！佢之後見番我，仲同我講笑咁話：『多謝提醒喎！』，所以我唔會後悔嗰日講呢啲嘢。」
