港超Ladies' Night約實今晚8點

賽前東方龍獅與香港飛馬分列聯賽榜第5、6位，兩隊只相差1分，為拉近與前列差距，今仗定鬥個你死我活！主場出擊的香港飛馬首循環曾以2比1擊敗東方龍獅，主教練陳浩然表示：「雖然我哋首循環贏到佢哋，但付出好多先贏到，並唔易踢，呢場都一樣，球員知道要付出好多先有機會贏。」

陳浩然：忌早段落後

香港飛馬上仗以0比3不敵傑志，「陳Sir」期望：「我哋有時失波係因為自己唔集中，如果開賽初段失波會令成場波變化大好多，所以每場都會同球員講早段要集中，因為我唔想做落後嗰隊！」人腳方面，球隊現時只有張國明一位傷兵，曾至孝則因借用條款需作壁上觀。

香港飛馬後衞 胡晉銘	香港飛馬肥Jack 積施利	東方龍獅守將 迪高

首200名女士免費入場

東方龍獅上輪聯賽對和富大埔，雖憑基頓入球領先，但被對手連入兩粒反勝，主教練安祖史杜錫重申士氣未受影響：「自我接掌之後，球員都相信球隊會愈嚟愈好，對我嘅了解都愈嚟愈深。」他續說：「我嘅哲學係無論咩比賽、積分榜形勢係點、攞咗幾多分，每場波都會100%重視。因為咁先係專業，球迷每次入場睇波，都會想自己支持嘅球隊踢得好同贏波，所以要每場都百分百付出。」球隊目前有徐德帥和黃梓浩受傷，預料今仗未能披甲。

第13周5場港超賽事包括香港飛馬對東方龍獅、冠忠南區對富力R&F、夢想FC對傑志、理文對和富大埔及佳聯元朗對凱景，將舉辦「Shero感謝周」活動。首200名入場女士，每人可換領免費門票一張，足總亦邀得香港歌手、香港女子足球代表隊隊長陳詠詩等擔任活動大使。今仗亦會增置場外遊戲攤位，球迷除可贏得小禮品外，更有機會與香港女子代表隊一同訓練。