菁英盃今晚在青衣運動場上演獨腳戲，由香港飛馬對陣冠忠南區。飛馬只要勝出便能晉級4強，南區則需要擊敗對手以保留出線希望。今仗對雙方來說，均不容有失，必定使出九牛二虎之力爭勝，球迷切勿錯過！
（周一晚8時開賽）
香港飛馬今場贏波便能鎖定4強席位，主教練陳浩然直言：「今場波對我哋嚟講好重要，上場咁辛苦贏傑志，唔想白費努力，雖然我哋和都大機會出線，但為免夜長夢多，目標好一致，就係要贏波出線4強！」
由於隊中不少球員早前出戰賀歲盃，「陳Sir」表示球員狀態已提升到高峰。雖然祖連奴停賽，袁振昇、曾至孝、大衛拉菲爾因曾代表其他球會出戰菁英盃，今仗未能上陣。不過「陳Sir」認為球隊兵源足以應付：「有啲練波表現好嘅，好似上場入波嘅蕭俊銘咁，我都會畀佢哋喺菁英盃落場。」
冠忠南區上場憑中場卡拉錫入球，以3比2險勝理文，主教練鄭兆聰期望：「上場波兩隊都發揮得好好，我最滿意係球員冇放棄，去到最後一刻都去搶個波，造就卡拉錫入波。呢場勝利對年輕球員好重要，所以今場對飛馬都希望贏！」
「Ricky Sir」又透露，季初傷出的前鋒高美斯有望上陣：「高美斯進展幾好，不過佢之前練波過勞，令腳板有條筋發炎，依家要等輕微嘅痛楚消失，希望今場波可以用到佢。」