當錫羅斯韋迪冇份 明星賽投票球迷呻掃興

當錫嘅表現完全唔似新人，戴歷羅斯就重傷後重生，另外，韋迪今季結束後退役，所以球迷用投票表明，好想佢哋喺明星賽出現，點知佢哋唔止入唔到正選名單，最後連後備陣容都全部冇份，搞到有網民問，唔知聯盟要球迷投票為乜。

雖然後備名單中，西岸嘅安東尼戴維斯同東岸嘅奧拉迪普，因傷預計打唔到明星賽，但美國傳媒收到風，無論有咩球星受傷，NBA總裁蕭華都唔會補選當錫、戴歷羅斯或韋迪，實行同球迷唱反調到底，認真吹佢唔脹。

占士復出湖人贏快艇

比賽方面，湖人喺洛杉磯打吡加時後以123比120擊敗快艇，勒邦占士因傷連續缺席17場比賽後復出，取得24分、14個籃板同9次助攻，帶領湖人贏波。另一邊廂，勇士喺主場以104比113不敵76人，奇利湯臣因病缺陣搞到球隊11連勝結束。