THE FOREST流動直播車Hit爆波鞋街

梁國成：畀小朋友好生活習慣

首次在街頭參與籃球直播的梁國成大讚直播車：「我覺得學界好緊貼社會，喺旺角波鞋街呢度可以令到更多年輕人可以接觸到，可以話畀佢哋知學界嘅水平進步緊，其次就係可以令到更多人關注，推動本地體壇。」他更期望將來有更多類似活動：「我覺得好多運動都適合，特別係THE FOREST嘅位置本身已經多體育發燒友經過，其實可以包含更多唔同運動，譬如田徑、足球等唔同項目，甚至將啲體育嘅技巧『拆件』畀小朋友玩，我覺得THE FOREST都係好適合。」

「國成」同時期盼這些推廣能讓年輕新一代愛上運動：「基本上我接觸好多小朋友都鍾意打機，將時間用晒喺打機度，但係如果令到佢哋對運動有興趣，自己有目標嘅話，佢會自發去玩。我自己都係因為鍾意打籃球，將啲時間用晒落籃球度，我覺得運動係帶畀依家呢代小朋友一個好嘅生活習慣。」

港隊前成員梁國成及曹潔凝，與主持郭子龍，同球迷互動。

THE FOREST的同事親身到新伊館，為比賽隊伍加油及感受學界賽熱血氣氛。

此外，「國成」亦希望精英賽可以擴展至小學：「本地男籃水平其實提升緊，NIKE為咗精英賽都為老師、教練舉辦教練工作坊、講座。至於有咩再做多啲，我覺得係學校層面，畀低年班嘅小朋友開始接觸籃球，依家精英賽就推動緊中學，希望之後喺小學比賽有啲改變，提升小朋友嘅水平。」

在半場期間，他們不時與觀眾互動，「國成」表示：「我覺得喺街頭講波可以更加互動，除咗睇比賽之外，呢度有啲小遊戲同觀眾一齊玩，可以令到我同佢哋更加容易投入，而街頭講波嘅新鮮感亦都係一個好好嘅經驗。」

得獎觀眾Jany：希望上海都有

曹潔凝則坦言是首次與丈夫一同出席這些活動，更勾起不少回憶：「我自己有代表浸會大學喺新伊館打大專決賽，嗰陣係對城大，依家睇波見番新伊館，球員時代嘅熱血又走番出嚟！」

至於在問答遊戲環節得獎，來自上海的觀眾Jany直言是一知道有直播車就前來特意看直播，因自己以前也有在上海打過精英賽，希望學界比賽能夠進一步推廣，也期望直播車能在上海出現。