李慧詩新西蘭站競輪賽添金
香港女車神李慧詩又奪金！周日喺「世界盃場地單車賽」競輪賽（又稱凱林賽），擊敗英國車手瑪真特，繼上周六爭先賽後，又攞一金，以兩面金牌完成新西蘭站賽事，為下周香港站世界盃壯聲威。
李慧詩之前喺競輪賽表現雖然唔及爭先賽，但今次創造驚喜，最後一圈時從外線突圍，最終險勝瑪真特0.004秒喜獲金牌，烏克蘭車手芭蘇娃則獲銅牌。李慧詩表示獲勝毫不容易，因為爭先賽勝出後並無太多時間休息，所以比較累，惟有放開手腳去跑，Sarah對於摘金既驚且喜，並且呼籲車迷在香港站支持她。
為壓軸香港站壯聲威
場地單車世界盃全季共有6站，壓軸嘅香港站將於1月25至27日喺將軍澳單車館舉行，大家記得一齊去捧李慧詩場啦。