女版蘇B建功「港女」2：2逼和廣東

後備上陣的潘嘉嘉（右）為港隊扳平後慶祝。

開賽5分鐘，港隊隊長陳詠詩接應張煒琪回傳撞射，惜未能命中目標。27分鐘輪到廣東進攻，陳秀冰擺脫守衞後遠射，同樣未能打破僵局。5分鐘後，右翼曾敏儀接應廖美欣短傳大腳抽入，為廣東先開紀錄。35分鐘，客軍李志君窄位起腳僅柱邊出界，港隊半場落後0比1。

• 港隊主力張煒琪（中）交足貨。

潘嘉嘉做慣後備殺手

換邊後，港隊於51分鐘博得罰球，由姚希雯主射省中對手，她再乘對手解圍不遠勁射，為港隊追回1比1。不過66分鐘廣東再下一城，廖美欣接應長傳推入禁區射遠柱入網，助球隊領先2比1。之後港隊未有放棄，79分鐘終得到回報，張煒琪左路突破後地波傳中，後備上陣的潘嘉嘉撞入，為港隊再度扳平，雙方踢成2比2完場。

賽後港隊主教練列卡度表示：「我哋開局唔錯，但解圍得唔夠好，令對手好易攞到波。半場我叫佢哋唔好急，最終成功追和。今場我哋有4、5個U23球員，我好滿意佢哋表現，嚟緊奧運外圍賽，我哋會有更多選擇。」至於為港隊扳平的潘嘉嘉，就笑言隊友愛將她與前曼聯名將、有「後備殺手」之稱的蘇斯克查（蘇B）比較，效力愉園、年僅21歲的「嘉嘉」說：「我聯賽成日後備落場就入波，所以隊友都成日開玩笑，話我係蘇斯克查。我覺得好有趣，不過如果可以嘅話，我想做正選殺手！」