謝家榮傷勢唔樂觀 港隊隨時出後備龍門
香港隊昨於賽馬會香港足球總會足球訓練中心操練，備戰周三（９日）省港盃次回合主場迎戰廣東隊，首回合勇戰受傷的門將謝家榮需拐杖輔助，沒有與另外兩名門將蔡子濤、高俊一同操練。主教練郭嘉諾坦言：「謝家榮傷勢唔樂觀，佢依家都要撐住拐杖，家榮對我哋好重要，我希望佢趕得切恢復，下場正選落場。」
鄭展龍有望落場
謝家榮首回合上半場初段因一次出迎傷及左腳，但仍堅持在場上作戰至58分鐘。問及「郭Sir」為何在下半場才作出調動時，他透露：「其實物理治療師出咗去好多次問佢得唔得，佢話得，佢好想繼續頂，直到擔架抬佢返後備席，我過去安慰佢時，佢係喊緊嘅，代表佢在乎、好想踢，我欣賞佢呢份精神同心態。」「郭Sir」又指兩位後備門將準備好隨時上陣。
至於因受傷未能在首回合上陣的中場鄭展龍，「郭Sir」稱：「練習前，鄭展龍做咗體能測試，睇吓傷患點，我都好想畀佢落場，因為佢係好重要一員，雖然未必踢到90分鐘，但係有佢，我哋嘅進攻會強好多，上場茹子楠踢得好辛苦，因為佢要兼顧進攻同防守，我希望多一個球員幫到進攻，鄭展龍係我其中一個選擇。」
圖／文：陳焌鏗