東方龍獅借到「波圖出品」

利馬彭利拿是葡萄牙班霸波圖的青訓產品，2012年在波圖B隊展開其職業生涯，翌年轉投甘馬雷斯B隊，效力3年期間上陣70次，並攻入4球，隨後於2017年加盟葡甲球隊科瓦彼達迪，成為該隊主力。

「牛丸」：比荷西安祖更硬朗

東方龍獅主教練「牛丸」陳婉婷透露，自荷西安祖前十字韌帶斷裂開始，已在中堅位置物色外援，利馬彭利拿暫時先借用半季，有望趕及在下周二（15日）晚對理文一仗前完成註冊手續︰「我喺葡萄牙睇到佢練波同比賽，覺得佢有一定水準，加上年輕，仲有進步空間，所以同球會以借用形式搵佢返嚟。佢一對一嘅能力同頭槌都幾好，防守上比荷西安祖更加硬朗。球隊防線失波多，希望後防有佢喺度，起到穩定作用。」

上周抵港並於昨日參與加盟後第二課操練的利馬彭利拿表示，自己之前對香港足球了解並不深，不過，他與東方龍獅的笠臣因在不同時期效力科瓦彼達迪而認識，轉會前曾致電對方詢問意見，最終決定來港落班。