神級夏登10場喪轟480分

火箭捉「熊」5連捷

先講講占士夏登近期一啲得分數字：連續10場得分「30+」、連續4場得分「40+」、近10場合共轟入408分，NBA近30年來只有米高佐敦同高比拜仁能夠連續10場賽事合共攻入400分以上。另外佢連續7場攻入至少5球三分球，追平火箭史堤芬居里嘅紀錄，至於連續8場得分「35+」及助攻「5+」，令佢超越名宿奧斯卡羅拔臣成為NBA史上第1人；值得一提係火箭今場頭25分全部由占士夏登參與助攻或直接得分（8分及6次助攻），相當得人驚。

同樣5連勝嘅仲有溜馬，佢哋喺主場以116比108擊敗鷹隊，奧拉迪普交出22分及7次助攻，成為贏波功臣；反觀鷹隊林書豪狀態麻麻，7投僅得1中，埋單收穫7分及2次助攻，令鷹隊兩連勝走勢結束。至於勇士作客以132比109大炒太陽，居里及杜蘭特分別交出34分及25分，協助勇士近17次對太陽全部贏晒。