伊高爸現身觀操為子打氣
和富大埔昨日操練有VIP嘉賓撐場！曾代表巴西出戰世青賽、與薛高齊齊為鹿島鹿角打江山的名將，亦即是「助攻王」伊高沙托尼的父親艾仙度沙托尼（Alcindo Sartori），昨親臨該「高級組銀牌賽」4強分子的操練，並粉墨登場向一眾後輩傳授心得。
稱和富大埔球員拚勁十足
近日應鹿島鹿角邀請遠赴東瀛參與青訓工作坊的艾仙度，昨日現身大埔的操練探望囝囝。1995年艾仙度曾代表川崎讀賣出戰亞冠盃鬥東方，在香港大球場射入2球。「我一直有留意伊高同大埔嘅比賽，球員拚勁十足外比賽節奏亦相當明快，唔少本地球員都擁有不俗個人技術。當年日職水平能迅速提高，好大原因係一班高質嘅外援帶動賽事水平提升，連帶本土球員都有所得益。」
因今日便要起程返國，艾仙度未克入場觀看和富大埔周六（8日）對理文的港超賽事，但佢深信「伊高」定可與和富大埔攜手再創高峰：「伊高空閒時都有Whatsapp畀我分享佢喺香港生活點滴，不時話大埔好似一個大家庭。上季大埔距離冠軍目標只係爭少少，希望今季可以捧盃圓夢，到時我一定會再嚟香港捧場。」