協恩何蘊悅廖灝恩分途爭后座
協恩中學於精英賽單打項目派出兩位副隊長何蘊悅及廖灝恩出戰，今次兩位首度出戰單打賽事，目標相當明確：「決賽見！」。
16歲的何蘊悅小一起打羽毛球，今年的中銀香港全港青少年羽毛球錦標賽遇上校隊隊友廖灝恩一役，令她最難忘：「女單4強對佢輸咗！其實大家都好熟悉對方打法，但落到場真係要特別打醒精神應付。廖灝恩嘅體能好好，後場劈球好厲害！」
鍾意羽毛球夠靈活
偶像是泰國名將拉特查諾的廖灝恩目前是港青成員，今年10月的亞洲青少年錦標賽打進16強：「小時候兼顧游水同羽毛球，到小四就要二選一，最後揀咗羽毛球。相比游水，羽毛球更加多變化，面對不同球手打法需要靈活變通，係羽毛球好玩嘅地方。」由於兩位同學分別位於上線和下線，要遇上的話，就要等到決賽：「何蘊悅係一位速度型球手，搶點時間準確，唔容易應付。希望我哋都可以打出自己最佳水準，打入決賽！」