香港賽前夕港隊收獎金振士氣
今年在雅加達亞運會掃走歷史兩金兩銀佳績的香港壁球隊，昨日所有功臣獲總會頒發50萬港元以作鼓勵，並為下周一出戰「光大新鴻基香港壁球公開賽2018」激勵士氣，期望可突破以往港將入4強的最佳成績。
歐鎮銘話驚喜未諗點用
港隊於亞運獲女團金牌、男團銀牌，加上歐鎮銘及李浩賢包辦男單金銀，迎來史上最佳成績，其中女團4名功臣包括歐詠芝、陳浩鈴、何子樂及李嘉兒共獲22萬、而男團則獲11萬元，個人金牌及銀牌則分別獲11萬及6萬元獎勵。個人金牌得主歐鎮銘坦言驚喜：「真係好突然，未有時間諗點用，對運動員來講係鼓勵及認同。」至於陳浩鈴則笑稱距離置業夢想邁進一步，可以放在其「置業基金」。
本月初上任的壁總新主席邱達根（Duncan）強調，港隊要為下屆亞運作好準備：「港隊過去喺亞洲都能保持前列，要繼續保住位置之餘，亦要培訓更多新血，傳承落去。」Duncan重申要力爭壁球成奧運項目：「其實呢項運動已經擁有奧運嘅條件，只欠時機，希望2024年巴黎奧運可實現。」