桂神教精Oscar今日睇體！
on.cc東網免費直播德國聯賽都差唔多兩個月，一班「P牌評述員」Oscar、狼少、Kannas同蘇雞都儲咗唔少經驗，表現亦由第一次時飽受批評，到依家已經獲得唔少鼓勵認同！不過，為咗令自己嘅功力再度提升，Oscar決定搵嚟「桂神」黃興桂切磋吓，仲獲得呢位「金句王」嘅「金句」加持！佢哋即席示範點樣去爆笑評述《少林足球》經典賽事，仲搵星爺、C朗同米高佐敦嚟比較添！講到咁，大家對呢段短片都應該相當期待，大家記住今、明兩晚，東網「睇體」頻道將會隆重首播上、下集！
出埋金句教路
除咗即席指導外，對於Oscar曾受到網民抨擊，「桂神」亦以過來人身份開導佢：「如果畀網民影響到自己，你就真係傻仔！依家講波嘅係你，你講波有人聽，佢哋只係喺網上『咿咿哦哦』咋嘛，唔好畀閒言閒語影響你講波！你只要繼續謙虛學習，做得好就自然做到『蔗渣價錢，燒鵝味道』！」連「金句」都出動埋，睇嚟Oscar今次真係會功力大增！
