前紅魔美職鍊過朗尼KO「小豬」

昨日凌晨的美職賽事,華盛頓聯隊主場對芝加哥火燄,兩位前曼聯球員朗尼同舒韋恩史迪加正面交鋒。有「小豬」舒韋恩史迪加助陣的芝加哥火燄雖然先開紀錄,但華盛頓聯隊隊長朗尼夠淡定,先把握對手門將接波甩手,射入空門,之後再主射12碼建功,以2比1反勝芝加哥火燄,保持打入季後賽機會。

朗尼繼上場入波之後,今場又起孖,為華盛頓聯隊上陣16場聯賽,有9球進帳,他今場更有1次入波被判詐胡,否則可上演帽子戲法。至於舒韋恩史迪加今季只有4球進帳,芝加哥火燄已經無緣季後賽,兩位前紅魔轉戰美職,朗尼明顯勝一籌。