富力R&F迎香港飛馬同求反彈
「中銀人壽香港超級聯賽」今午假廣州燕子崗體育場上演獨腳戲，由富力R&F主場迎戰香港飛馬，雙方誓要全取3分，令球隊及時返回正軌！（周六下午2時30分開賽）
楊正光倒戈有助部署
富力R&F首輪聯賽激戰下2比3不敵東方龍獅，該役盧均宜領紅被逐，加上主教練楊正光和教練安迪亦被趕上觀眾席，3人今仗均要「坐波監」。昨日出席賽前記者會的球員兼助教吳偉安表示︰「球員隔成3周先比賽可能會較生疏，但佢哋爭勝欲望好強。由於飛馬上季係由『楊指導』帶領，有助佢預先為球隊作好部署。」基奧雲尼日前辦妥特區護照，令隊中騰出了外援名額，惟吳偉安表示未能確定新援克羅地亞中堅華高域，能否趕及註冊手續上陣。
剛於銀牌互射12碼飲恨出局的香港飛馬，主教練柏度認為富力在首輪落敗後，必更渴望取勝︰「今季首仗贏波後，雖然之後輸咗畀大埔同喺銀牌出局，但整體表現唔算太差。富力今季簽入唔少好球員，今場一定想贏波反彈，所以唔易應付，當然我哋都會以3分為目標。」
何彥霆廣州直擊