受到超強颱風山竹吹襲，星期日兩場第二周「中銀人壽香港超級聯賽」被迫延期。為咗令球迷盡快收到相關比賽資訊，我哋已即時將最新消息透過足總網站、香港超級聯賽Facebook同Instagram頻道發放畀大家。希望及早公布消息，可以方便到球迷們啦！
都知道呢一場狂風暴雨，對唔少地方造成好大影響，包括部分足球場地。期盼場地質素唔會受到太大破壞，並且可以及早恢復良好狀態。因為今個星期，「2018-19香港足球總會高級組銀牌賽」要揭幕喇！賽程嘅抽籤亦已經喺較早前順利完成，首場賽事會喺9月20日（星期四）晚上8點於旺角大球場上演，由夢想FC對香港飛馬。
風雨過後，便是晴天。球迷們，球場見！
香港足球總會傳訊部