建龍班主做主席 香港飛馬足籃孖住上
港超球隊香港飛馬昨日於銅鑼灣舉行傳媒茶敍，並正式公布新一季由身為甲二籃球隊建龍球員兼班主的朱耀中（Torres）擔任球會主席。
現年28歲的朱耀中表示，自己雖然作為籃球員，但同時亦是一位足球迷，並感謝香港飛馬給予他機會去出任這個職位︰「雖然自己本身鍾意打籃球，但由細到大都鍾意睇足球多啲，一直都有留意香港足球，上季亦有入場睇港超聯賽事，好多謝球會畀機會我去幫吓佢哋手。希望可以超越上季嘅成績，攞番第2名或以上，最好就有冠軍，拎番個亞協盃資格返嚟。」
目標打造全職體育會
Torres透露，目前正向籃球總會申請，將建龍名稱加上飛馬的名字，他表示希望能夠將飛馬的規模伸展至不同的體育項目︰「我哋想將飛馬變成一個全職嘅體育會，籃球部又有，足球部又有，可能遲啲衍生到有其他部門出現，好似南華咁。不過喺香港全職嘅籃球隊只係得東方龍獅，就算南華、永倫球員都有其他工作在身，所以籃球方面會係半職業先，呢一兩年未諗到去全職住，或者幾年後啦。」
圖/文：何彥霆